#Azerbaijan #AzerbaijaniDiaspora – Espiye Gazetesi https://espiyegazetesi.com Sun, 29 Oct 2023 16:50:18 +0000 tr hourly 1 “Heydər Əliyev İli” çərçivəsində “Azərbaycan–Amerika Mədəniyyət körpüsü: Cefri Verbok” adlı tədbir təşkil olunub https://espiyegazetesi.com/heyd%c9%99r-%c9%99liyev-ili-c%c9%99rciv%c9%99sind%c9%99-az%c9%99rbaycan-amerika-m%c9%99d%c9%99niyy%c9%99t-korpusu-cefri-verbok-adli-t%c9%99dbir-t%c9%99skil-h50989.html Sun, 29 Oct 2023 16:50:18 +0000 https://1453kralmedya.com/heyd%c9%99r-%c9%99liyev-ili-c%c9%99rciv%c9%99sind%c9%99-az%c9%99rbaycan-amerika-m%c9%99d%c9%99niyy%c9%99t-korpusu-cefri-verbok-adli-t%c9%99dbir-t%c9%99skil-h50989.html

 

 

 

“Heydər Əliyev İli” çərçivəsində “Azərbaycan–Amerika Mədəniyyət körpüsü: Cefri Verbok” adlı tədbir təşkil olunub

, 2023

“Heydər Əliyev İli” çərçivəsində “Azərbaycan–Amerika Mədəniyyət körpüsü: Cefri Verbok” adlı tədbir təşkil olunub

 

 

 

 

Müasir Azərbaycan dövlətinin qurucusu, ümummilli lider Heydər Əliyevin anadan olmasının 100 illiyi münasibətilə “Azərbaycan–Amerika Mədəniyyət körpüsü: Cefri Verbok” adlı tədbir keçirilib.

Rəşid Behbudov adına Dövlət Mahnı Teatrında baş tutan tədbirdə Prezident Administrasiyasının, ADA Universitetinin, Azərbaycan diasporunun nümayəndələri, yerli ictimaiyyətin tanınmış şəxsləri və media mənsubları iştirak ediblər.

 

 

 

 

Tədbir Azərbaycanın suverenliyi və ərazi bütövlüyü uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Sonra Cefri Verbokun ümummilli lider Heydər Əliyevlə görüşü barədə videçarx nümayiş olunub, həmin görüşdə qeyd olunan məsələlərin bu gün həqiqətə çevrildiyi, ölkəmizin ərazi bütövlüyümüzün təmin olunduğu və Azərbaycanın dostlarının da bizimlə bərabər qələbə sevinci yaşadığı diqqətə çatdırılıb.

 

 

 

 

Tədbirdə çıxış edən Azərbaycan Milli Konservatoriyasının rektoru Siyavuş Kərimi, Diasporla İş üzrə Dövlət Komitəsinin sədri Fuad Muradov, ADA Universitetinin prorektoru Fariz İsmayılzadə, Avropa Azərbaycan Cəmiyyətinin rəhbəri Tale Heydərov, Amerika Azərbaycan Cəmiyyətinin prezidenti Tomris Azeri, Quba Dağ Yəhudiləri icmasının üzvü Nisim Nisimov və başqaları amerikalı musiqiçinin Azərbaycan diasporu quruculuğunda fəal iştirakı, Azərbaycan həqiqətlərinin Amerika ictimaiyyətinə çatdırılmasında mühüm rolu, Azərbaycanla əlaqələrinin tarixi, uzun illər davam edən sarsılmaz dostluq münasibətləri, ölkəmizi, xüsusilə musiqimizi dünyada uğurla təbliğ etməsi, mədəniyyətimizə xidmətləri barədə danışıblar.

Daha sonra amerikalı musiqiçiyə həsr olunmuş “Gənc səslər, qədim nəğmə” etnoqrafik sənədli filmindən fraqmentlər nümayiş etdirilib. Avropa Azərbaycan Cəmiyyətinin dəstəyi ilə çəkilmiş və 2016-cı ildə təqdim olunmuş bu filmin qəhrəmanlarından birinin – məcburi köçkün övladı olaraq çadır şəhərciyində böyümüş, sonradan İkinci Qarabağ müharibəsinin qazisi kimi şərəfli döyüş yolu keçmiş Nizami Paşayevin səhnəyə dəvət olunması alqışlarla qarşılanıb.

Qivami Rəhimlinin moderatorluğu ilə aparılan tədbirin bədii hissəsində Cefri Verbokun, Anar İmanovun və Əsgər Əsgərzadənin ifasında konsert proqramı təqdim edilib.

FOTO QALEREYA

 

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/heyder-eliyev-ili-cercivesinde-azerbaycan-amerika-medeniyyet-korpusu-cefri-verbok-adli-tedbir-teskil-olunub-3731

 

 

 

]]> Urgənc şəhərində Yusif Vəzir Çəmənzəminli adına Azərbaycan Mədəniyyəti və Ədəbiyyatı Mərkəzi açılıb https://espiyegazetesi.com/urg%c9%99nc-s%c9%99h%c9%99rind%c9%99-yusif-v%c9%99zir-c%c9%99m%c9%99nz%c9%99minli-adina-az%c9%99rbaycan-m%c9%99d%c9%99niyy%c9%99ti-v%c9%99-%c9%99d%c9%99biyyati-m%c9%99rk%c9%99zi-acilib-h50957.html Sun, 29 Oct 2023 06:20:04 +0000 https://1453kralmedya.com/urg%c9%99nc-s%c9%99h%c9%99rind%c9%99-yusif-v%c9%99zir-c%c9%99m%c9%99nz%c9%99minli-adina-az%c9%99rbaycan-m%c9%99d%c9%99niyy%c9%99ti-v%c9%99-%c9%99d%c9%99biyyati-m%c9%99rk%c9%99zi-acilib-h50957.html

 

 

 

 

Urgənc şəhərində Yusif Vəzir Çəmənzəminli adına Azərbaycan Mədəniyyəti və Ədəbiyyatı Mərkəzi açılıb

2023

 

 

 

 

Urgənc şəhərində Yusif Vəzir Çəmənzəminli adına Azərbaycan Mədəniyyəti və Ədəbiyyatı Mərkəzi açılıb
Özbəkistanın Xarəzm vilayətinin Urgənc şəhərində yerləşən Urgənc Dövlət Universitetində görkəmli Azərbaycan yazıçısı və dövlət-ictimai xadimi Yusif Vəzir Çəmənzəminlinin adını daşıyan Azərbaycan Mədəniyyəti və Ədəbiyyatı Mərkəzinin açılış mərasimi keçirilib.

Tədbir Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzinin layihəsi və təşkilatçılığı ilə 23-26 oktyabr 2023-cü il tarixlərində Daşkənd və Xarəzm vilayətində keçirilən “Azərbaycan mədəniyyəti və poeziyası həftəliyi” çərçivəsində baş tutub.

 

 

 

 

Açılış mərasimində Urgənc Dövlət Universitetinin rektoru, professor Baxrom Abdullayev, Heydər Əliyev adına Azərbaycan Mədəniyyət Mərkəzinin direktoru Samir Abbasov, Özbəkistanın Xarəzm vilayəti rəhbərinin müavini Batır Saidov, özbək yazıçı, tərcüməçi, publisist Babaxan Şərif çıxış ediblər. Natiqlər 1938-40-cı illərdə Urgənc Dövlət Universitetində (o zaman Urgənc Pedaqoji Institutu) müəllim kimi fəaliyyət göstərmiş Yusif Vəzir Çəmənzəminlinin adını daşıyan mərkəzin yaradılmasını iki ölkənin mədəni tarixində mühüm hadisə kimi qiymətləndiriblər. Özbək gənclərinin Azərbaycan mədəniyyətini, tarixini, ədəbiyyatını öyrənməsində, iki ölkə arasında mədəni və ədəbi əlaqələrin daha da möhkəmləndirilməsində mərkəzin mühüm rol oynayacağına əminlik ifadə edilib və Azərbaycan dövlətinə minnətdarlıq bildirilib. Gələcəkdə Yusif Vəzir Çəmənzəminli mərkəzində onlayn şəkildə Azərbaycan dili kurslarının da təşkil ediləcəyi diqqətə çatdırılıb. Heydər Əliyev adına Azərbaycan Mədəniyyət Mərkəzinin həyata keçirdiyi layihələr əsasında indiyədək Özbəkistanın aparıcı universitetlərində, kitabxanalarında 10-a yaxın belə mərkəzin yaradıldığı vurğulanıb.

 

 

 

 

Mərasimin sonunda Urgənc Dövlət Universitetinin rektoru, professor Baxrom Abdullayevə xalqımızın zəngin mədəniyyətini əks etdirən “Azərbaycan xalçaları” kitabının “İrəvan qrupu” və “Təbriz qrupu” nəfis kitablarını, mərkəzə isə Azərbaycan ədəbiyyatı, tarixi, mədəniyyətini əks etdirən zəngin kitab kolleksiyası hədiyyə edilib. Onların arasında ümummilli lider Heydər Əliyevə, Azərbaycan Prezidenti İlham Əliyevə həsr olunmuş kitablar və Azərbaycan Mədəniyyət Mərkəzinin özbək dilində çap etdirdiyi nəşrlər də yer alıb.

 

 

 

 

Qeyd edək ki, müasir avadanlıq və mebellə təchiz olunmuş mərkəzdə Azərbaycan tarixi, mədəniyyəti, ədəbiyyatına aid kitablar, nəşrlər, disklər, dərs vəsaitləri, milli suvenirlər, guşələr, ölkə başçılarının görüşlərini əks etdirən fotoşəkillər, xəritələr, Azərbaycanın ədəbiyyat və incəsənət xadimlərinin portretləri, dövlət atributları yerləşdirilib. Mərkəzdə Azərbaycana və iki ölkənin dostluğuna həsr olunmuş tədbir, mühazirə və seminarların keçirilməsi nəzərdə tutulub.

Tədbir çərçivəsində qonaqlar Urgənc Dövlət Universitetinin fəaliyyəti ilə də tanış olublar.

FOTO QALEREYA

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

Kaynak:https://diaspor.gov.az/az/news-detail/urgenc-seherinde-yusif-vezir-cemenzeminli-adina-azerbaycan-medeniyyeti-ve-edebiyyati-merkezi-acilib-3734

 

 

 

]]> İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub https://espiyegazetesi.com/ijevsk-s%c9%99h%c9%99rind%c9%99-heyd%c9%99r-%c9%99liyevin-100-illiyi-v%c9%99-dostluq-m%c9%99rk%c9%99zinin-25-illiyi-qeyd-olunub-h50900.html Fri, 27 Oct 2023 09:29:29 +0000 https://1453kralmedya.com/ijevsk-s%c9%99h%c9%99rind%c9%99-heyd%c9%99r-%c9%99liyevin-100-illiyi-v%c9%99-dostluq-m%c9%99rk%c9%99zinin-25-illiyi-qeyd-olunub-h50900.html

 

 

 

 

İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub

2023

İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub

 

 

 

 

Rusiya Federasiyası Udmurtiya Respublikasının İjevsk şəhərində müasir Azərbaycan dövlətinin qurucusu Heydər Əliyevin anadan olmasının 100 illiyinə və “Dostluq” Azərbaycan İctimai Mərkəzinin 25 illiyinə həsr olunmuş tədbirlər keçirilib.

 

 

 

 

“Dostluq” Azərbaycan İctimai Mərkəzinin təşkilatçılığı ilə Xalqlar Dostluğu Evində baş tutan dəyirmi masada Diasporla İş üzrə Dövlət Komitəsinin, Azərbaycan Milli Qeyri-Hökumət Təşkilatları Forumunun, Beynəlxalq Avrasiya Mətbuat Fondunun, Azərbaycandakı rus icmasının, Rusiya Federasiyası Dövlət Dumasının, Rusiyanın müxtəlif respublika və vilayətlərində fəaliyyət göstərən Azərbaycan icmalarının və Udmurtiyadakı milli-mədəni muxtariyyətlərin nümayəndələri iştirak ediblər.

 

 

 

 

Dəyirmi masa Heydər Əliyevin müasir Azərbaycan dövlətinin təşəkkülü və inkişafı prosesində Heydər Əliyevin misilsiz töhfələrini əks etdirən “Azərbaycan geniş addımlarla irəliləyir” adlı sənədli filmin nümayişi ilə başlayıb. Tədbirdə çıxış edənlər dünyanın görkəmli və nüfuzlu dövlət xadimlərindən biri olan Heydər Əliyevlə bağlı xatirələrini bölüşüb, onun müstəqil Azərbaycan dövlətinin möhkəmləndirilməsində və Azərbaycan Respublikası ilə Rusiya Federasiyası arasında münasibətlərin dərinləşməsində müstəsna rolundan danışıblar.

 

 

 

 

 

Oktyabrın 21-də isə Xalqlar Dostluğu Evində “Dostluq” Azərbaycan İctimai Mərkəzinin yaradılmasının 25 illiyi münasibətilə təntənəli tədbir keçirilib. Tədbirdə Diasporla İş üzrə Dövlət Komitəsi şöbə müdirinin müavini Əli Baytalov, Azərbaycan Milli Qeyri-Hökumət Təşkilatları Forumunun prezidenti Rauf Zeyni, Beynəlxalq Avrasiya Mətbuat Fondunun prezidenti Umud Mirzəyev, Azərbaycandakı rus icmasının sədr müavini, politoloq Anastasiya Lavrina, Rusiya Dövlət Dumasının deputatı Oleq Qarin, Udmurtiya Respublikasının milli siyasət naziri Eduard Petrov, dövlət və bələdiyyə orqanlarının təmsilçiləri, Moskva, Kirov, Samara, Orenburq vilayətləri, Perm diyarı, Naberejnı Çelnı şəhəri üzrə Azərbaycan diasporunun, Udmurtiyadakı 15 milli-mədəni muxtariyyətin nümayəndələri və fəxri qonaqlar iştirak ediblər.

 

 

 

Tədbir iştirakçılarını “Dostluq” Azərbaycan İctimai Mərkəzinin sədri Zülfüqar Rəhimov salamlayıb. Tədbirdə çıxış edənlər Azərbaycan icmasını bu əlamətdar hadisə münasibətilə təbrik edib və xoş arzularını bildiriblər.

Aktiv ictimai fəaliyyətə və millətlərarası münasibətlərin möhkəmlənməsinə mühüm töhfələrə görə “Dostluq” Azərbaycan İctimai Mərkəzinin sədri Zülfüqar Rəhimova təltif olunduğu Azərbaycan Respublikasının “Diaspor fəaliyyətində xidmətə görə” medalı, mərkəzin fəal üzvlərinə Diasporla İş üzrə Dövlət Komitəsi və yerli administrasiya adından fəxri fərmanlar və təşəkkürnamələr təqdim olunub.

 

 

 

 

Tədbirin bədii hissəsində Samara şəhərinin “Alpan” ansamblının, “Buranovskie babuşki” folklor qrupunun, digər yaradıcılıq kollektivləri və incəsənət ustalarının konsert proqramı təqdim olunub.

Tədbir çərçivəsində mərkəzin 25 illik fəaliyyətini əks etdirən foto-videomaterial nümayiş etdirilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/ijevsk-seherinde-heyder-eliyevin-100-illiyi-ve-dostluq-merkezinin-25-illiyi-qeyd-olunub-3723

 

 

 

 

]]> İsveçrədə “Qardaşlaşmış Qarabağ Məktəbləri” layihəsinə start verilib https://espiyegazetesi.com/isvecr%c9%99d%c9%99-qardaslasmis-qarabag-m%c9%99kt%c9%99bl%c9%99ri-layih%c9%99sin%c9%99-start-verilib-h48454.html Sun, 13 Aug 2023 12:13:14 +0000 https://1453kralmedya.com/isvecr%c9%99d%c9%99-qardaslasmis-qarabag-m%c9%99kt%c9%99bl%c9%99ri-layih%c9%99sin%c9%99-start-verilib-h48454.html

 

 

 

 

 

İsveçrədə “Qardaşlaşmış Qarabağ Məktəbləri” layihəsinə start verilib

, 2023

İsveçrədə “Qardaşlaşmış Qarabağ Məktəbləri” layihəsinə start verilib

 

 

 

 

 

İsveçrədə Azərbaycan Diasporuna Dəstək Fondunun “Qardaşlaşmış Qarabağ Məktəbləri” layihəsinə start verilib.

 

 

 

 

 

7-13 avqust 2023-cü il tarixində gerçəkləşdiriləcək layihə çərçivəsində Azərbaycanın işğaldan azad edilmiş Ağdam, Şuşa, Laçın, Cəbrayıl, Füzuli, Zəngilan şəhər məktəblərinin şagirdləri İsveçrədə fəaliyyət göstərən “Qarabağ” həftəsonu məktəbinin şagirdləri ilə birlikdə “Juvenat” düşərgəsində yerləşiblər. Layihədə Azərbaycandan 17 şagird və 2 müəllim, İsveçrədən 11 şagird və 2 müəllim iştirak edəcək. Düşərgəyə “Azərbaycanlıların İsveçrədəki Mədəniyyət Mərkəzi”nin rəhbəri Qasım Nəsirov rəhbərlik edir.

 

 

 

Şagirdlərin Qarabağın tarixi haqqında məlumatlandırılması, mədəni-maarifləndirici panellərdə iştirakı, Bern, Balenberq və digər şəhərlərin görməli yerləri ilə tanışlığı, İsveçrə parlamentinə, müxtəlif muzeylərə səfəri, təbiət gəzintiləri, əyləncəli oyunları və təcrübə mübadiləsi nəzərdə tutulub.

Xatırladaq ki, bu layihənin icrasına ötən ildən başlanılıb. Layihə çərçivəsində İsveçrədə fəaliyyət göstərən həftəsonu məktəbinin şagirdləri ilə məcburi köçkün və şəhid ailələrinin övladları 18-24 iyul 2022-ci il tarixində Bakının Xəzər rayonunun Şüvəlan qəsəbəsində yerləşən “Cırtdan” Respublika Uşaq İstirahət və Sağlamlıq Mərkəzində təlimlər keçiblər.

Layihədə İsveçrədən 10 şagird və 2 təlimçi, yerli məktəblərdən 14 şagird və 2 təlimçi iştirak edib. Bir həftə ərzində mədəni-maarifləndirici panellərdə iştirak edən şagirdlərin ölkəmizin dilbər guşələrinə, muzeylərə səyahəti təmin edilmişdi. Eyni zamanda daimi kommunikasiya və şəbəkələşmə ilə yanaşı, Azərbaycan dili təlimləri keçirilmişdi.

 

 

 

 

 

Bu layihə Prezident İlham Əliyevin ölkəmizin mədəniyyət paytaxtı Şuşada keçirilmiş Dünya Azərbaycanlılarının V Qurultayında çıxışı zamanı həftəsonu məktəblərinin açılması istiqamətində fəaliyyətin gücləndirilməsi, bütün Azərbaycan vətəndaşlarını birləşdirən Ana dilinin daim təbliğ olunması tövsiyələri çərçivəsində gerçəkləşdirilməkdədir.

 

 

 

 

Xatırladaq ki, Birinci vitse-prezident Mehriban xanım Əliyevanın təşəbbüsü və tapşırığı ilə xarici ölkələrdə “Qarabağ məktəbləri”nin qurulması prosesinə başlanılıb. Fransanın Nant, İsveçrənin Bern, Polşanın Varşava, İsveçin Stokholm şəhərlərində həftəsonu məktəbləri fəaliyyətə başlayıb. Bu məktəblərin məqsədi azərbaycanlı uşaqlara ana dilini, ədəbiyyatını, tarixini, mədəniyyətini tədris etməklə yanaşı, milli kimliklərini qoruyub saxlamaq naminə ölkəmizlə bağlı həqiqətləri də onlara indidən aşılamaqdır.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/isvecrede-qardaslasmis-qarabag-mektebleri-layihesine-start-verilib-3323

 

 

]]> Misirdə Azərbaycan dilini öyrənmək istəyənlərin sayı artır https://espiyegazetesi.com/misird%c9%99-az%c9%99rbaycan-dilini-oyr%c9%99nm%c9%99k-ist%c9%99y%c9%99nl%c9%99rin-sayi-artir-h47788.html Sat, 22 Jul 2023 09:21:27 +0000 https://1453kralmedya.com/misird%c9%99-az%c9%99rbaycan-dilini-oyr%c9%99nm%c9%99k-ist%c9%99y%c9%99nl%c9%99rin-sayi-artir-h47788.html

 

 

 

Misirdə Azərbaycan dilini öyrənmək istəyənlərin sayı artır

2023
Misirdə Azərbaycan dilini öyrənmək istəyənlərin sayı artır

 

 

 

 

“Misir-Azərbaycan Dostluq Cəmiyyəti fəaliyyətə başlayandan sonra dilimizi öyrənənlərin sayı gündən-günə artır. Bu gün dünyada Azərbaycanı təbliğ etməyin əsas yollarından biri də dilimizin tədrisidir”. Bu barədə uzun illərdir Qahirə şəhərində Azərbaycan dilini tədris edən Misir-Azərbaycan Dostluq Cəmiyyətinin sədri, Ərəb ölkələri üzrə Azərbaycanlıların Koordinasiya Şurasının Misirdəki koordinatoru, tədqiqatçı-alim Seymur Nəsirov bildirib.

 

 

 

 

 

Diaspor rəhbəri qeyd edib ki, cəmiyyətin nəzdində fəaliyyət göstərən kurslara dilimizə böyük maraq göstərən daha 92 nəfərin müraciət etməsi buna bariz nümunədir. Artıq yeni müdavimlər üçün açılan əlavə qrupda ilk dərs keçirilib.

 

 

 

 

Misir-Azərbaycan Dostluq Cəmiyyətinin binasında Azərbaycan dili kurslarının yeni müdavimləri ilə təşkil edilən görüşdə misirli gənclərin dilimizə, həmçinin ədəbiyyatımıza böyük marağından məmnunluq ifadə edilib. İki dost ölkə arasında əlaqələrin inkişafından, tarixi mənbələrdə azərbaycanlıların ərəb mədəniyyəti və ədəbiyyatının inkişafına töhfələrindən danışılıb.

 

 

 

 

Bu il müasir Azərbaycan dövlətinin qurucusu, ulu öndər Heydər Əliyevin anadan olmasının 100 illiyi münasibətilə Dostluq Cəmiyyəti tərəfindən silsilə tədbirlər keçirildiyi, belə tədbirlərdən birinin də ərəb xəttatlığı, Azərbaycan tarixi və xalqımızın görkəmli şəxsiyyətləri mövzusunda və Qurani-Kərimin hafizləri arasında keçirilən müsabiqələr olduğu vurğulanıb.

 

 

 

 

 

Seymur Nəsirov söyləyib ki, Azərbaycan Respublikası Diasporla İş üzrə Dövlət Komitəsinin dəstəyi ilə müsabiqələrin qaliblərinin Azərbaycana səfərinin təşkili də nəzərdə tutulub.

 

 

 

 

 

 

Qeyd edək ki, Misir-Azərbaycan Dostluq Cəmiyyətinin nəzdindəki kurslarda Azərbaycan dili ilə yanaşı, müxtəlif fənlər üzrə 55 ölkədən 500 dən çox gənc ödənişsiz təhsil alır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/misirde-azerbaycan-dilini-oyrenmek-isteyenlerin-sayi-artir-3249

 

 

]]> Varşavada Heydər Əliyevin 100 illiyi, Müstəqillik Günü və Silahlı Qüvvələr Günü təntənə ilə qeyd olunub https://espiyegazetesi.com/varsavada-heyd%c9%99r-%c9%99liyevin-100-illiyi-must%c9%99qillik-gunu-v%c9%99-silahli-quvv%c9%99l%c9%99r-gunu-t%c9%99nt%c9%99n%c9%99-il%c9%99-qeyd-olunub-h45898.html Tue, 30 May 2023 08:33:54 +0000 https://1453kralmedya.com/varsavada-heyd%c9%99r-%c9%99liyevin-100-illiyi-must%c9%99qillik-gunu-v%c9%99-silahli-quvv%c9%99l%c9%99r-gunu-t%c9%99nt%c9%99n%c9%99-il%c9%99-qeyd-olunub-h45898.html

 

 

 

Varşavada Heydər Əliyevin 100 illiyi, Müstəqillik Günü və Silahlı Qüvvələr Günü təntənə ilə qeyd olunub

, 2023
Varşavada Heydər Əliyevin 100 illiyi, Müstəqillik Günü və Silahlı Qüvvələr Günü təntənə ilə qeyd olunub

Varşava Milli Filarmoniyasında müasir Azərbaycan dövlətinin qurucusu Heydər Əliyevin 100 illiyi, ölkəmizin Müstəqillik Günü və Azərbaycan Silahlı Qüvvələrinin yaradılmasının 105 illiyi münasibətilə təntənəli rəsmi qəbul keçirilib.

Tədbir Heydər Əliyev Fondunun, Diasporla İş üzrə Dövlət Komitəsinin, Azərbaycanın UNESCO üzrə Milli Komissiyasının dəstəyi və Azərbaycanın Polşadakı səfirliyinin təşkulatçılığı ilə baş tutub.

Qəbulda Polşa hökumətinin, Seyminin, Senatının, müxtəlif dövlət qurumlarının təmsilçiləri, Avropa Parlamentinin üzvləri, Diasporla İş üzrə Dövlət Komitəsinin əməkdaşları, diplomatik korpusun, yerli ictimaiyyətin, dini konfessiyaların, Azərbaycan diasporunun nümayəndələri, Polşa vətəndaşı olan həmvətənlərimiz və azərbaycanlı tələbələr iştirak ediblər.

Öncə “Junior Eurovision–2021” mahnı müsabiqəsinin iştirakçısı Sona Əzizovanın ifasında Azərbaycanın və Polşanın Dövlət himnləri səsləndirilib.

Tədbiri giriş sözü ilə açan ölkəmizin Polşadakı səfiri Nərgiz Qurbanova Azərbaycanın Müstəqillik Gününün tarixi barədə məlumat verib, müsəlman və Türk dünyasında ilk dünyəvi və parlamentar respublikanın – Azərbaycan Xalq Cümhuriyyətinin (AXC) fəaliyyətindən və əldə etdiyi nailiyyətlərdən danışıb. Nəzərə çatdırıb ki, AXC-nin hökumət strukturlarında, parlamentdə, məhkəmə-hüquq sistemində polyak əsilli vətəndaşlarımız da təmsil olunub. General-leytenant Masey (Məmməd bəy) Sulkeviç Azərbaycan Ordusunun Baş Qərargah rəisi, publisist və tarixçi Leon Kriçinski Nazirlər Şurası Dəftərxanasının rəisi, onun qardaşı Olqerd Kriçinski isə ədliyyə nazirinin müavini vəzifəsində çalışıb və onlar ümumi vətənimiz Azərbaycanın müdafiəsi üçün səylərini əsirgəməyib. Polşanın AXC-ni tanıyan 23 dövlətdən biri olduğu, bu ölkənin rəsmilərinin hər zaman respublikamızın beynəlxalq aləmdə tanınmasını dəstəklədiyi vurğulanıb.

 

 

 

 

 

Qeyd edilib ki, 1991-ci ildə müstəqilliyini bərpa edən Azərbaycan Respublikası AXC-nin hüquqi varisidir. Məhs ümummilli lider Heydər Əliyevin 1993-cü ildə hakimiyyətə qayıdışı və müəyyənləşdirdiyi siyasi kurs Azərbaycanın xaos və anarxiyadan çıxarılması, inkişafa doğru aparılması ilə nəticələnib, ölkəmizin dünya siyasi sistemində layiqli mövqe tutmasını təmin etdi, gələcəkdə regionda söz sahibi olmasına zəmin yaradıb. Ümummilli liderin şah əsəri olan güclü Azəbaycanın öz suverenliyini, müstəqilliyini qorumağa qadir olduğunu 44 günlük Vətən müharibəsində şanlı Zəfər qazanmaqla sübuta yetirdiyi bildirilib.

Fəxri qonaq qismində çıxış edən Polşanın xarici işlər nazirinin müavini Arkadiuş Mularçık nazir Zbiqnev Raunun xalqımıza təbriklərini çatdırıb. Nazir müavini xatırladıb ki, Polşa hələ 1919-cu ildə dünyada ilk dövlətlərdən biri olaraq AXC-nin müstəqilliyini tanıyıb, polyaklar isə Azərbaycanın dövlət quruculuğuna, ölkəmizin iqtisadi inkişafına mühüm töhfələr veriblər.

Sonra təqdim olunan konsert proqramında Azərbaycanın xalq artisti, xanəndə Mənsum İbrahimovun rəhbərliyi, xalq artisti Elçin Həşimov, əməkdar artistlər Elnur Əhmədov və Kamran Kərimovun iştirakı ilə “Qarabağ” muğam qrupu və müğənni Çinarə Məlikzadə çıxış ediblər. Azərbaycan sənətçilərinin ifası qonaqların böyük rəğbətini qazanıb.

Tədbir çərçivəsində Heydər Əliyev Fondunun ümummilli liderin 100 illik yubileyi münasibətilə hazırladığı və görkəmli siyasi xadimin irsini əks etdirən fotosərgi nümayiş etdirilib.

Rəsmi qəbul ziyafətlə davam edib.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/varsavada-heyder-eliyevin-100-illiyi-musteqillik-gunu-ve-silahli-quvveler-gunu-tentene-ile-qeyd-olunub-3004

 

 

 

]]> Gənc soydaşlarımız Şimali Kiprdə keçirilən beynəlxalq tədbirə qatılıblar https://espiyegazetesi.com/g%c9%99nc-soydaslarimiz-simali-kiprd%c9%99-keciril%c9%99n-beyn%c9%99lxalq-t%c9%99dbir%c9%99-qatiliblar-h45876.html Mon, 29 May 2023 13:35:41 +0000 https://1453kralmedya.com/g%c9%99nc-soydaslarimiz-simali-kiprd%c9%99-keciril%c9%99n-beyn%c9%99lxalq-t%c9%99dbir%c9%99-qatiliblar-h45876.html

 

 

 

Gənc soydaşlarımız Şimali Kiprdə keçirilən beynəlxalq tədbirə qatılıblar

, 2023

Gənc soydaşlarımız Şimali Kiprdə keçirilən beynəlxalq tədbirə qatılıblar

Şimali Kipr Türk Respublikasının Doğu Akdeniz Universitetində keçirilən “İnternational Night” (“Beynəlxalq Gecə”) tədbirində Azərbaycan da təmsil olunub.

 

 

 

 

 

21 ölkəni təmsil edən tələbə birliklərinin qatıldıqları tədbirdə Azərbaycan Tələbə Birliyinin təşkilatçılığı ilə Azərbaycan guşəsi yaradılıb. Burada xalqımızın zəngin mədəniyyətini və milli mətbəxini əks etdirən nümunələr nümayiş etdirilib. Birlik fəalları ölkəmizlə maraqlanan tədbir iştirakçılarına xalqımızın tarixi, mədəni irsi və turizm imkanları barədə ətraflı məlumat verib, ziyarətçiləri milli mətbəx təamlarına qonaq ediblər.

 

 

 

 

Rauf Denktaş adına Kültür və Konqres Sarayında baş tutan açılış mərasimində gənc soydaşlarımızın çıxışı birliyin prezidenti Əhməd Həsənli və vise-prezidenti Mədinə Bağırova tərəfindən Azərbaycan bayrağının təntənəli şəkildə salona gətirilməsi ilə başlayıb. Sonra birliyin üzvləri Nəzrin Həsənovanın, Xanım Hümbətova, Dilarə Allahverdiyeva, Şəms Tanrıverdi və İsmayıl Əliyevin ifalarında “Yüz biri” və “Yallı” milli rəqsləri təqdim olunub. Birliyin üzvü Nurin Qasımov “stand-up” səhnəciyi ilə “lnternational Night” tədbirinin səhnə performanslarına yekun vurulub. Azərbaycanlı gənclərin çıxışı böyük coşğu ilə qarşılanıb.

Qeyd edək ki, Şimali Kipr Türk Respublikasının yeganə dövlət universiteti olan Doğu Akdeniz Universiteti 1979-cu ildən fəaliyyət göstərir.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/genc-soydaslarimiz-simali-kiprde-kecirilen-beynelxalq-tedbire-qatiliblar-3000

 

 

]]>