Bolnisi – Espiye Gazetesi https://espiyegazetesi.com Fri, 22 Mar 2024 18:17:44 +0000 tr hourly 1 Bolnisidə Novruz bayramı qeyd olunub https://espiyegazetesi.com/bolnisid%c9%99-novruz-bayrami-qeyd-olunub-h55502.html Fri, 22 Mar 2024 18:17:44 +0000 https://1453kralmedya.com/bolnisid%c9%99-novruz-bayrami-qeyd-olunub-h55502.html

Bolnisidə Novruz bayramı qeyd olunub
2024

 

 

 

Bolnisidə Novruz bayramı qeyd olunub
“Qafqaz Hüquq və İnteqrasiya Mərkəzi”nin təşkilatçılığı ilə Bolnisi rayonunun Mədəniyyət və İstirahət parkında Novruz Bayramı münasibətilə bayram tədbiri keçirilib.

Tədbiri giriş sözü ilə açan Mərkəzin icraçı direktoru Rezo Həsənov öncə qonaqları qarşıdan gələn Novruz bayramı münasibətilə təbrik edib, sonra 2023-cü ildə Mərkəz tərəfindən həyata keçirilmiş tədbirlərlə bağılı qısa məlumat verib.

Gürcüstan parlamentinin sabiq deputatı Ramiz Bəkirov çıxışında 2021-ci ildən etibarən fəaliyyət göstərən “Qafqaz Hüquq və İnteqrasiya Mərkəzi”nin Bolnisi rayonunda bir çox yeniliklərin təməlini qoyduğunu bildirib.

Daha sonra Gürcüstan parlamentinin sabiq deputatı Mahir Dərziyev, “Qafqaz Hüquq və İnteqrasiya Mərkəzi”nin Azərbaycan dili müəllimi Fatma Əliyeva, Kvemo-Bolnisi (Kəpənəkçi) kənd 2 nömrəli ictimai məktəbin direktor müavini Çingiz Yaqublu və “Gürcüstan Azərbayacanlılarının İnteqrasiya Mərkəzi”nin (GAİM) direktoru Murad Muradov çıxış edərək bildiriblər ki, Novruz bayramını və digər milli bayramlarımızı yaşatmaq, adət-ənənələrimizi gələcək nəsillərə ötürmək hər azərbaycanlının borcudur.

Tədbirin gedişatında Bolnisi rayonunun kəndlərindən olan milli rəqs qrupları və Mərkəzin üzvləri azərbaycan və gürcü rəqslərini nümayiş etdirib, aşıqların ifasında saz havaları səslənib.

Daha sonra Mərkəzin 100-ə yaxın üzvünə Azərbaycan, gürcü və ingilis dili fənnlərindən əldə etdikləri nailiyyətlərə görə sertifikatlar verilib. Bundan əlavə, Mərkəzdə Azərbaycan dili, gürcü dili, ingilis dili, incəsənət və rəsm, məntiq, riyaziyyat fənnlərini tədris edən müəllimlərə təşəkkürnamələr təqdim edilib.

Mərkəzin İncəsənət və rəsm müəllimi Qəşəm Süleymanovun və rəsm kursunun üzvü Türanə Süleymanovanın çəkdiyi rəsmlər qonaqlar tərəfindən böyük maraqla qarşılanıb.

Sonda bayram tonqalı qalanıb və tədbir iştirakçıları üçün bayram süfrəsi açılıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/bolniside-novruz-bayrami-qeyd-olunub-4411

 

]]> Gürcüstandakı azərbaycanlı gənclərin “Regional Gənclər Şəbəkəsi Borjomi – 2023” Yay Düşərgəsi təşkil edilib https://espiyegazetesi.com/gurcustandaki-az%c9%99rbaycanli-g%c9%99ncl%c9%99rin-regional-g%c9%99ncl%c9%99r-s%c9%99b%c9%99k%c9%99si-borjomi-2023-yay-dus%c9%99rg%c9%99si-t%c9%99skil-edilib-h49081.html Tue, 29 Aug 2023 10:42:13 +0000 https://1453kralmedya.com/gurcustandaki-az%c9%99rbaycanli-g%c9%99ncl%c9%99rin-regional-g%c9%99ncl%c9%99r-s%c9%99b%c9%99k%c9%99si-borjomi-2023-yay-dus%c9%99rg%c9%99si-t%c9%99skil-edilib-h49081.html

 

 

 

 

Gürcüstandakı azərbaycanlı gənclərin “Regional Gənclər Şəbəkəsi Borjomi – 2023” Yay Düşərgəsi təşkil edilib

2023

 

 

 

 

Gürcüstandakı azərbaycanlı gənclərin “Regional Gənclər Şəbəkəsi Borjomi – 2023” Yay Düşərgəsi təşkil edilib

Gürcüstanın Borjomi şəhərində “Heydər Əliyev İli” çərçivəsində qonşu ölkədə yaşayan azərbaycanlı gənclərin “Regional Gənclər Şəbəkəsi Borjomi – 2023″ Yay Düşərgəsi təşkil edilib.

 

 

 

 

Diasporla İş üzrə Dövlət Komitəsinin dəstəyi ilə avqustun 24-dən start verilən düşərgədə Marneuli, Dmanisi, Bolnisi, Qardabani, Saqareco bölgələrindən və Tbilisi şəhərindən 54 gənc iştirak edib.

 

Borjomiyə yola düşməzdən öncə düşərgə iştirakçıları müasir Azərbaycan dövlətinin qurucusu Heydər Əliyevin Tbilisidə yerləşən heykəlini ziyarət ediblər. Abidənin önünə əklil qoyulub və görkəmli dövlət xadiminin əziz xatirəsi ehtiramla yad edilib.

 

 

 

 

 

Düşərgənin açılış mərasimində gəncləri Diasporla İş üzrə Dövlət Komitəsinin sədri Fuad Muradovun adından salamlayan şöbə müdiri Vüsal Məmmədov bildirib ki, “Heydər Əliyev İli” çərçivəsində Azərbaycanda və müxtəlif ölkələrdə bir çox layihələr həyata keçirilməkdədir. Belə layihələrdən biri də avqustun 12-dən 18-dək ümummilli liderin doğulduğu Naxçıvan şəhərində təşkil edilmiş “Heydər Əliyev – 100” Diaspor Gənclərinin IV Yay Düşərgəsi olub. Gürcüstanda yaşayan azərbaycanlı gənclərin analoji təşəbbüslə Komitəyə müraciətinin nəzərə alındığı və Borjomidə bu layihənin təşkil ediıməsinə qərar verildiyi diqqətə çatdırılıb.

 

 

 

 

Heydər Əliyevin müasir Azərbaycan tarixində rolundan, Prezident, Müzəffər Ali Baş Komandan İlham Əliyevin rəhbərliyi ilə torpaqlarımızın erməni işğalından azad edilməsindən, Komitənin azadlığa qovuşmuş Qarabağın tacı olan mədəniyyət paytaxtımız Şuşada bir sıra irimiqyaslı layihələr həyata keçirməsindən bəhs edilib. Qeyd edilib ki, dövlət başçımızın tapşırığına əsasən, Dünya Azərbaycanlılarının V Qurultanın, Diaspor Gənclərinin III Yay Düşərgəsinin Şuşada keçirilməsi, “Dəmir yumruğun gücü ilə Şuşadayıq” layihəsi çərçivəsində xaricdə yaşayan soydaşlarımızın Şuşaya ardıcıl səfərlər etməsi diaspor tarixinə yazılmış şanlı səhifələrdir. Düşərgə iştirakçılarına milli kimliyimizin, doğma dilimizin, milli-mənəvi dəyərlərimizin qorunub saxlanılması, Azərbaycan həqiqətlərinin və maraqlarının müdafiə olunması kimi məsələlərdə fəal olmaq çağırışı edilib.

 

 

 

 

Sonra Gürcüstan Azərbaycanlılarının İnteqrsiya Mərkəzinin (GAİM) icraçı direktoru Murad Muradov düşərgə iştirakçılarına “Sosial Media” mövzusu ətrafında təlim keçib. Eyni zamanda GAİM-in, “Qafqaz Hüquq və İnteqrasiya Mərkəzi”nin (rəhbəri Rezo Həsənov), “Alyans” Gənclər Mərkəzinin (icraçı direktoru Rəna Hüseynova) və Dmanisi Tədris Mərkəzinin (rəhbəri Kamran Xıdırov) təqdimatları olub.

Düşərgənin ilk günü intellektual və əyləncəli oyunlarla davam edib.

Qeyd edək ki, “Regional Gənclər Şəbəkəsi Borjomi – 2023” Yay Düşərgəsi avqustun 26-da başa çatıb.

FOTO QALEREYA

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynakhttps://diaspor.gov.az/az/news-detail/gurcustandaki-azerbaycanli-genclerin-regional-gencler-sebekesi-borjomi-2023-yay-dusergesi-teskil-edilib-3407

 

]]> Bolnisidə Heydər Əliyevin 100 illiyi münasibətilə “Dostluq” futbol turniri təşkil edilib https://espiyegazetesi.com/bolnisid%c9%99-heyd%c9%99r-%c9%99liyevin-100-illiyi-munasib%c9%99til%c9%99-dostluq-futbol-turniri-t%c9%99skil-edilib-h46765.html Fri, 23 Jun 2023 18:11:50 +0000 https://1453kralmedya.com/bolnisid%c9%99-heyd%c9%99r-%c9%99liyevin-100-illiyi-munasib%c9%99til%c9%99-dostluq-futbol-turniri-t%c9%99skil-edilib-h46765.html

Bolnisidə Heydər Əliyevin 100 illiyi münasibətilə “Dostluq” futbol turniri təşkil edilib
, 2023

 

 

 

 

Bolnisidə Heydər Əliyevin 100 illiyi münasibətilə “Dostluq” futbol turniri təşkil edilib

 

 

 

 

Gürcüstanın Bolnisi şəhərində müasir Azərbaycan dövlətinin qurucusu, xalqımızın ümummilli lideri Heydər Əliyevin anadan olmasının 100 illiyinə həsr olunmuş “Dostluq” futbol turniri keçirilib.

 

 

 

 

Diasporla İş üzrə Dövlət Komitəsinin və Azərbaycanın Gürcüstandakı səfirliyinin dəstəyi, “Qafqaz Hüquq və İnteqrasiya Mərkəzi”nin təşkilatçılığı ilə baş tutan turnirdə 8 komanda iştirak edib.

Turnirin açılış mərasimini giriş sözü ilə açan mərkəzin direktoru Rezo Həsənov bildirib ki, dünyanın müxtəlif ölkələrində, o cümlədən Gürcüstanda dahi şəxsiyyət Heydər Əliyevin anadan olmasının 100 illiyi ilə əlaqədar silsilə tədbirlər keçirilir. Qeyd edib ki, “Dostluq” turnirini təşkil etməklə Azərbaycan-Gürcüstan dostluq münasibətlərinin inkişafında misilsiz xidmətlər göstərmiş Heydər Əliyevin əziz xatirəsini bir daha böyük ehtiramla yad edirlər.

 

 

 

 

 

Mərasimdə çıxış edən qonaqlar ulu öndər Heydər Əliyevlə bağlı təəssüratlarını və xatirələrini bölüşüb, turnir iştirakçılarına uğurlar arzulayıblar.

Olimpiya sistemi üzrə keçirilən, seçmə, yarımfinal və final oyunlarının daxil olduğu üç mərhələdən ibarət olan turnirdə Dmanisinin “Qaraçay”, Bolnisinin “Sabah”, Marneulinin “Olimp”, “Qızılhacılı” və “Görarxı”, Tbilisinin “Krcanisi”, Qardabaninin “Teola” və “Manqilisi” komandaları yarışıblar.

 

 

 

 

Turnirin final mərhələsinə Marneulinin “Olimp” və “Gorarxı” komandaları vəsiqə qazanıb. Final oyununda 7:3 hesabı ilə qalib gələn “Olimp” komandası turnirin qalibi olub. II yeri “Gorarxı”, III yeri Tbilisinin “Krtsanisi” komandası tutub.

 

 

 

 

Qalibləri mükafatlandırma mərasimində Azərbaycanın Gürcüstandakı səfirliyinin əməkdaşı Ramel Lətifov, “Gürcüstan Azərbaycanlılarının İnteqrasiya Mərkəzi”nin icraçı direktoru Murad Muradov və digərləri iştirak ediblər.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/bolniside-heyder-eliyevin-100-illiyi-munasibetile-dostluq-futbol-turniri-teskil-edilib-3140

]]>