Cəmiyyətinin – Espiye Gazetesi

ABŞ-də Azərbaycan Xalq Cümhuriyyətinin və Amerika Azərbaycan Cəmiyyətinin yaranmasına həsr olunmuş tədbir keçirilib

Abdullah Yiğit — Fri, 07 Jun 2024 11:07:08 +0000

ABŞ-də Azərbaycan Xalq Cümhuriyyətinin və Amerika Azərbaycan Cəmiyyətinin yaranmasına həsr olunmuş tədbir keçirilib

2024

ABŞ-də Azərbaycan Xalq Cümhuriyyətinin və Amerika Azərbaycan Cəmiyyətinin yaranmasına həsr olunmuş tədbir keçirilib
ABŞ-nin Nyu Cersi ştatının Sikasus şəhərində Azərbaycan Xalq Cümhuriyyətinin yaranmasının 106-cı və Amerika Azərbaycan Cəmiyyətinin yaranmasının 67-ci ildönümünə həsr edilmiş konfrans keçirilib.

Konfrans Amerika Azərbaycan Cəmiyyətinin “AzeriNext” Gənclər Proqramının iştirakçıları tərəfindən təşkil edilib. Tədbirdə Amerika Azərbaycan Cəmiyyətinin üzvləri Cavid Mürsəlov, Leyla Əzimova, Osman Səid, İbrahim Məmmədov, Şennen Hosman, Şevrin Hosman, Leyla Sadıxova, Teymur Sadıxov, Fərid Əhmədov və Əsmər Əhmədova, Dr. Nərgiz Qasımova, Sevinc Novruzova iştirak ediblər.

Qonaqları salamlayan Amerika Azərbaycan Cəmiyyətinin rəhbəri Tomris Azeri 106 il öncə Azərbaycan Xalq Cümhuriyyətinin (AXC) yaranması və fəaliyyəti barədə konfrans iştirakçılarına ətraflı məlumat verib.

Proqramın iştirakçıları olan gənc soydaşlarımız konfransda çıxış edərək gələcəyə baxış istiqamətləri və yeni ideyalarla bağlı fikirlərini bölüşüblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/abs-de-azerbaycan-xalq-cumhuriyyetinin-ve-amerika-azerbaycan-cemiyyetinin-yaranmasina-hesr-olunmus-tedbir-kecirilib-4822

İslandiyada yaşayan soydaşımız futbol üzrə yeniyetmələr arasında dünya çempionatının ikincisi olub

Abdullah Yiğit — Wed, 26 Jul 2023 10:50:05 +0000

İslandiyada yaşayan soydaşımız futbol üzrə yeniyetmələr arasında dünya çempionatının ikincisi olub

26 iyul, 2023

İslandiyada yaşayan soydaşımız futbol üzrə yeniyetmələr arasında dünya çempionatının ikincisi olub
İsveçin Höteborq şəhərində keçirilən yeniyetmə qızlar arasında futbol üzrə “World Gothia Cup Youth 2023” dünya çempionatında İslandiyadakı Azərbaycan icmasının fəalı Aysu Mey uğurla çıxış edib.

“Azəri” İslandiya Azərbaycan Cəmiyyətinin sədri Zakir Həsənov bildirib ki, Aysu Mey çempionatda İslandiyanın “KA 1” futbol klubunun tərkibində kubok uğrunda mübarizə aparıb. 79 ölkə arasında 82 futbol klubunun qatıldığı çempionatda İslandiyanın yeniyetmə futbolçuları G14 kateqoriyası üzrə finala yüksəliblər.

SKF idman arenasında baş tutan final oyununda “KA 1” klubu İsveçin “Hammarby IF FF” futbol klubu ilə qarşılaşıb. Yeniyetmə qızların gərgin mübarizə şəraitində keçən oyunun taleyini son anda islandiyalıların qapısına təyin olunan penalti həll edib. Nəticədə islandiyalılar, o cümlədən Aysu Mey çempionatın gümüş medalını qazanıblar.

Qeyd edək ki, “Gothia Cup” iştirakçılarının sayına görə ən böyük beynəlxalq futbol kuboku, yeniyetmələr arasında dünya çempionatı hesab edilir. 1975-ci ildən etibarən hər il İsveçdə keçirilən yarışda 11-19 yaşarası oğlan və qızlar iştirak edirlər. Bu turnirin futbol üzrə dünya çempionatından əsas fərqi milli komandaların olmamasıdır. Turnirdə yaşa görə bölünən müxtəlif ölkələrin klubları iştirak edir. Çempionat UNICEF tərəfindən dəstəklənir.

Diasporla İş üzrə Dövlət Komitəsi gənc Aysu Meyi və valideynlərini bu qələbə münasibətilə təbrik edir, ona idmançı karyerasında davamlı uğurlar qazanmağı arzulayır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/islandiyada-yasayan-soydasimiz-futbol-uzre-yeniyetmeler-arasinda-dunya-cempionatinin-ikincisi-olub-3274

ABŞ-ın Stenford Universitetində ana dili ilə bağlı seminar təşkil edilib

Abdullah Yiğit — Fri, 03 Mar 2023 07:42:35 +0000

ABŞ-ın Stenford Universitetində ana dili ilə bağlı seminar təşkil edilib
, 2023
ABŞ-ın Stenford Universitetində ana dili ilə bağlı seminar təşkil edilib
ABŞ-ın nüfuzlu Stenford Universitetində Beynəlxalq Ana dili Gününə həsr olunmuş “Dilim ölsə, məndə ölərəm” mövzusunda seminar keçirilib.

Şimali Kaliforniya Azərbaycan Mədəniyyət Cəmiyyətinin dəstəyi və Stenford Azərbaycanlı Tələbələr Assosiasiyasının birgə təşkilatçılığı ilə baş tutan seminarda öncə Xocalı soyqırımı qurbanlarının xatirəsi bir dəqiqəlik sükutla yad edilib.

Toronto Universitetinin professoru Dr. Lalə Cavanşirin təqdimatında gerçəkləşdirilən seminarda doğma dilin həyatımızda və milli kimliyimizin formalaşmasında oynadığı rola diqqət cəlb edilib. Şifahi və yazılı dilin əhəmiyyəti, iqtisadi inkişafın və siyasi gücün formalaşmasına, elitar və intellektual insanların şüuruna təsiri, Azərbaycan xalqının, xüsusilə də diasporun bu məsələdə olan boşluqları necə aradan qaldıra biləcəyi ətrafında müzakirələr aparılıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/abs-in-stenford-universitetinde-ana-dili-ile-bagli-seminar-teskil-edilib-2514

Dünyaya 17 Nöbel mükafatçısı bəxş edən universitetdə Xocalı soyqırımına həsr olunmuş elmi konfrans keçirilib

Abdullah Yiğit — Tue, 21 Feb 2023 12:08:29 +0000

Dünyaya 17 Nöbel mükafatçısı bəxş edən universitetdə Xocalı soyqırımına həsr olunmuş elmi konfrans keçirilib
, 2023
Dünyaya 17 Nöbel mükafatçısı bəxş edən universitetdə Xocalı soyqırımına həsr olunmuş elmi konfrans keçirilib

Silikon Vadisinin tükənməz sərvəti adlandırılan, dünyanın nüfuzlu beynəlxalq təhsil mərkəzi titulunu qazanmış, üstəlik, ermənilərin çoxluq təşkil etdiyi bölgədə yerləşən ABŞ-ın nüfuzlu Stenford Universitetində Xocalı soyqırımının 31-ci ildönümü ilə əlaqədar elmi-praktik konfrans keçirilib.

Stenford Azərbaycanlı Tələbələr Assosiasiyası və Şimali Kaliforniya Azərbaycan Mədəniyyət Cəmiyyətinin təşkilatçılığı ilə baş tutan “Xocalını xatırlayırıq” konfransında Stənford və Berkli Universitetlərinin tələbələri, müəllim və professorları iştirak edib. Məqsəd Xocalı soyqırımı haqqında məlumatlılığın artırılması, Qarabağla bağlı və ümumilikdə regiondakı mövcud vəziyyətlə əlaqədar səhih məlumatların çatdırılması, erməni dezinformasiyasının qarşısının alınması, bölgədəki sülh və normallaşma prosesinə diqqətin cəlb olunmasıdır.

Şimali Karolina Universitetinin (UNC) azərbaycanlı professoru Əli Əsgərov, Yuta Universitetinin professoru Hakan Yavuz, rəqəmsal məhkəmə ekspertizası və açıq mənbə kəşfiyyatı üzrə analitik Elçin Məmmədov çıxış edərək, təhsil ocağının çoxmilli auditoriyasına geniş məlumat çatdırıblar.

İctimaiyyətə açıq şəkildə təşkil edilən, tələbə və icma üzvlərinin, həmçinin diaspor nümayəndələrinin də müzakirələrə qoşulduğu konfransda Xocalıya ədalət, Xocalının bəşəri cinayət olması və cinayətkarların beynəlxalq məhkəmə qarşısında cavab verməsi tələbləri səslənib, soyqırımla bağlı məlumatlandırıcı materiallar paylanıb, bölgədəki indiki vəziyyətə, o cümlədən azərbaycanlı ekofəalların Laçın-Xankəndi yolunda davam edən aksiyasına diqqət çəkilib.

Bölgədəki real vəziyyətin və tarixi gerçəkliklərin müzakirə olunduğu elmi-praktik konfrans ermənilərin etirazına səbəb olub və onlar konfransın işinin pozulmasına cəhd göstəriblər. Tədbir iştirakçıları bu tip müzakirələrin açıq olduğunu, burada reallıqlara söykənən tərəfsiz elmi müzakirələrin aparıldığını və heç bir təhrif olunmuş faktın səsləndirilmədiyini diqqətə çatdırıblar.

Şimali Kaliforniya Azərbaycan Mədəniyyət Cəmiyyətinin rəhbəri Aynur Ağayevanın moderatorluğu ilə keçirilən konfransda akademik təbəqənin iştirakı ilə belə müzakirələrin davamlı aparılmasının icmalar arasında sağlam dialoqun yaranmasına müsbət təsir göstərəcəyi ifadə olunub.

“Academic Ranking of World Universities”in, “QS World University Rankings”in, “Times Higher Education World University Rankings”in reytinq cədvəllərində davamlı olaraq beşliyə və onluğa düşən Stenford Universitetində Xocalı soyqırımı ilə bağlı təşkil olunan ilk elmi-praktik konfrans xarici elmi auditoriyanın məlumatlanması üçün əvəzsiz addımdır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/dunyaya-17-nobel-mukafatcisi-bexs-eden-universitetde-xocali-soyqirimina-hesr-olunmus-elmi-konfrans-kecirilib-2408