çağırıb – Espiye Gazetesi https://espiyegazetesi.com Tue, 17 Oct 2023 19:07:05 +0000 tr hourly 1 Sankt-Peterburqdakı soydaşlarımız yerli ictimaiyyəti birliyə və həmrəyliyə çağırıb https://espiyegazetesi.com/sankt-peterburqdaki-soydaslarimiz-yerli-ictimaiyy%c9%99ti-birliy%c9%99-v%c9%99-h%c9%99mr%c9%99yliy%c9%99-cagirib-h50556.html Tue, 17 Oct 2023 19:07:05 +0000 https://1453kralmedya.com/sankt-peterburqdaki-soydaslarimiz-yerli-ictimaiyy%c9%99ti-birliy%c9%99-v%c9%99-h%c9%99mr%c9%99yliy%c9%99-cagirib-h50556.html

 

 

 

 

Sankt-Peterburqdakı soydaşlarımız yerli ictimaiyyəti birliyə və həmrəyliyə çağırıb

, 2023

 

 

 

 

Sankt-Peterburqdakı soydaşlarımız yerli ictimaiyyəti birliyə və həmrəyliyə çağırıb

 

 

 

Rusiyanın Sankt-Peterburqda yaşayan Azərbaycan icması millətlərarası münasibətlərə və milli-mədəni müxtəlifliyə böyük zərbə vuracaq xoşagəlməz insidentlə bağlı şəhər ictimaiyyətinə müraciət edib.

 

 

 

 

“Sankt-Peterburq və Leninqrad vilayətinin Azərbaycan Milli-Mədəni Muxtariyyəti” şəhər ictimai birliyinin nəzdində fəaliyyət göstərən Azərbaycanlı Gənclər Birliyinin adından yayılmış bəyanatda bildirilib ki, soydaşlarımız Sankt-Peterburq şəhərinin günahsız sakinlərinə hücumda iştirak etməsi ilə bağlı videoları çəkilən gənclərin əməllərini qətiyyətlə hiddətlə pisləyir.

 

 

 

 

Bildirilib ki, həmin hərəkətlər dərin hiddət və narazılıq doğurur: “Bu gənclərin əməlləri dəyərlərimizə ziddir, nifrət doğurur, millətlərarası harmoniyanın əsaslarını sarsıdır”.

 

 

 

 

Nəzərə çatdırılıb ki, bu insident Sankt-Peterburqda və Leninqrad vilayətində millətlərarası münasibətlər üçün mümkün mənfi nəticələrlə bağlı narahatlıqları da artırıb. Çünki bu cür hərəkətlərin uzun müddət harmoniya şəraitində yaşayan müxtəlif mədəniyyətlər və xalqlar arasında qarşılıqlı anlaşmanın və tolerantlığın pozulmasına gətirib çıxarmasına yol vermək olmaz: “Şəhərimizin bütün vətəndaşlarını həmrəyliyə və əməkdaşlığa çağırırıq. Biz asayişi qorumalı, eyni zamanda cəmiyyətimizdə millətlərarası münasibətlərin möhkəmlənməsinə çalışmalıyıq”.

 

 

 

Azərbaycanlı Gənclər Birliyi şəhər ictimaiyyətini qanunlara əməl etməyə, həmrəyliyə və tolerantlığa çağırıb: “Biz ədalətə və qanuna inanırıq. Bildiyimiz kimi, Rusiya İstintaq Komitəsinin rəhbəri Aleksandr Bastrıkin bu hadisə ilə bağlı cinayət işinin başlanmasına göstəriş verib. Bu, təqsirkarların müəyyən edilməsi və qanun qarşısında məsuliyyətə cəlb edilməsi istiqamətində mühüm addımdır. Ədalətin bərqərar olacağına və günahkarların məsuliyyətə cəlb ediləcəyi əminliyi ilə Sizə müraciət edirik. Bu cür insidentləri pisləyək, çoxmillətli və çoxkonfessiyalı gözəl şəhərimizdə sülh və əmin-amanlığı qoruyaq! Biz qanuna və insan həyatına hörmət etməyə, müxtəlif mədəniyyətlər və millətlər arasında həmrəyliyə və tolerantlığa çağırırıq”.

 

 

 

 

Qeyd edək ki, bəzi bloggerlərin məlumatlarında və “Telegram” kanallarında etnik azərbaycanlılardan ibarət quldur dəstəsinin yerli sakinlərə hücumlar etməsi, bu cinayətləri diasporun və polislərin ört-basdır etməsi barədə məlumatlar yayılıb. İnternetdə Sankt-Peterburqda yaşayan azərbaycanlıları yolverilməz üsullarla cəzalandırmağa dair qorxunc və təhlükəli çağırışlar yer alıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sankt-peterbirqdaki-soydaslarimiz-yerli-ictimaiyyeti-birliye-ve-hemreyliye-cagirib-3683

 

 

]]> Diaspor fəalı Almaniyanın xarici işlər nazirini dürüst danışmağa çağırıb https://espiyegazetesi.com/diaspor-f%c9%99ali-almaniyanin-xarici-isl%c9%99r-nazirini-durust-danismaga-cagirib-h50103.html Tue, 03 Oct 2023 09:51:05 +0000 https://1453kralmedya.com/diaspor-f%c9%99ali-almaniyanin-xarici-isl%c9%99r-nazirini-durust-danismaga-cagirib-h50103.html

 

 

 

Diaspor fəalı Almaniyanın xarici işlər nazirini dürüst danışmağa çağırıb

, 2023

Diaspor fəalı Almaniyanın xarici işlər nazirini dürüst danışmağa çağırıb

 

 

Almaniyada yaşayan diaspor fəalı Asəf Əsgər beynəlxalq platformalarda ölkəmizə qarşı ədalətsiz mövqe sərgiləyən və həqiqətdən kənar iddialar səsləndirən Almaniyanın xarici işlər naziri Annalena Berboka müraciət edib.

 

 

Müraciətdə bildirilib ki, beynəlxalq hüquq normalarına və demokratik dəyərlərə əməl etmək öhdəliyi daşıyan Almaniya kimi bir ölkənin xarici siyasətinə rəhbərlik edən nazirin BMT Təhlükəsizlik Şurasının iclasında Azərbaycanın ünvanına saxta ittihamlar və yalanlar səsləndirməsi qəbuledilməzdir.

 

 

Diaspor fəalı almaniyalı naziri Azərbaycanın inzibati bölgəsi olan Qarabağın adını düzgün ifadə etməyə və Qarabağ həqiqətlərini BMT kimi mötəbər tribunadan dünya ictimaiyyətinə dürüst şəkildə çatdırmağa çağırıb: “Siz BMT-nin tribunasından coxsaylı insanın qətlə yetirildiyini qeyd etdiniz. Ermənistanın baş naziri isə vəziyyətin ümumilikdə sabit olduğunu, dinc əhali arasında kütləvi qurbanlar olmasına dair xəbərlərin həqiqəti əks etdirmədiyini bildirdi. İndi biz sizə inanaq, yoxsa Ermənistanın baş nazirinə?”

Müraciətdə Avropanın və Almaniyanın 30 ilə yaxın dövrdə Ermənistan tərəfindən Azərbaycan torpaqlarında törətdiyi qəsbkar siyasətə və bəşəri cinayətə səssiz qaldığı bir daha vurğulanıb: “Nədənsə Avropa və Almaniya heç 1 milyona yaxın Azərbaycan qaçqını və öz vətənində məcburi köçkünə çevrilmiş azərbaycanlılarla maraqlanmırdı. Sizcə, həmin azərbaycanlılar arasında hamilə qadın, körpə uşaq, yaşlı insan yox idi? Siz axı Almaniyanın xarici işlər nazirisiniz və beynəlxalq hüququ yaxşı bilməlisiniz. Sizin birtərəfli, ermənipərəst çıxışınız Azərbaycan xalqı və Almaniyada yaşayan Azərbaycan icması tərəfindən haqlı olaraq narazılıqla qarşılanıb”.

 

 

 

O bildirib ki, erməni separatçılarının 19 sentyabr 2023-cü il tarixli mina terrorunun azərbaycanlı qurbanlarının fotolarını nazirə göndərəcək: “Açıb baxın və Azərbaycan xalqından üzr istəyin!”

Nazirin yadına salınıb ki, xalqların öz müqəddəratını təyin etməsi prinsipi “dövlətin içində ayrı dövlət qurmaq” anlamı daşımır: “Əgər elədirsə, gərək rəsmi Berlin çoxdan türk millətinə Almaniyada dövlət quraydı. Çünki Almaniyada türklər Qarabağda olan ermənilərdən ən azı 30 dəfə coxdur. Almaniyanın Federal Statistik İdarəsinin məlumatına görə, Almaniyada 3,5 milyon yarımdan artıq türk yaşayır”.

 

 

 

 

Həmyerlimiz bildirib ki, sülhsevər və multikultural dəyərlərə malik Azərbaycan dövləti Qarabağdakı erməni icmasının reinteqrasiyası məqsədilə bütün qanuni addımları atır.

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/diaspor-feali-almaniyanin-xarici-isler-nazirini-durust-danismaga-cagirib-3623

 

 

 

 

]]> Fransada Azərbaycanın Dostları Assosiasiyasının prezidenti fransız siyasətçiləri Azərbaycanla bağlı manipulyasiyalara yol verməməyə çağırıb https://espiyegazetesi.com/fransada-az%c9%99rbaycanin-dostlari-assosiasiyasinin-prezidenti-fransiz-siyas%c9%99tcil%c9%99ri-az%c9%99rbaycanla-bagli-manipulyasiyalara-yol-verm%c9%99m%c9%99y%c9%99-cagirib-h46612.html Sun, 18 Jun 2023 08:46:32 +0000 https://1453kralmedya.com/fransada-az%c9%99rbaycanin-dostlari-assosiasiyasinin-prezidenti-fransiz-siyas%c9%99tcil%c9%99ri-az%c9%99rbaycanla-bagli-manipulyasiyalara-yol-verm%c9%99m%c9%99y%c9%99-cagirib-h46612.html

Fransada Azərbaycanın Dostları Assosiasiyasının prezidenti fransız siyasətçiləri Azərbaycanla bağlı manipulyasiyalara yol verməməyə çağırıb

 

 

, 2023
Fransada Azərbaycanın Dostları Assosiasiyasının prezidenti fransız siyasətçiləri Azərbaycanla bağlı manipulyasiyalara yol verməməyə çağırıb

 

 

Fransada Azərbaycanın Dostları Assosiasiyasının (ADA) prezidenti Jerom Lamber ölkəmizlə bağlı növbəti manipulyasiyaya etiraz əlaməti olaraq Fransa Milli Assambleyasına müraciət edib.

Jerom Lamberin məktubunda bildirilib ki, Fransanın siyasi xadimləri ilə əcnəbilərin təsir şəbəkələri üzərində işləyən Milli Assambleyanın Təhqiqatlar Komissiyası bu illər ərzində erməni əsilli nüfuzlu şəxslərin həyata keçirdiyi əməliyyatları yoxlamır. O, fikrini ölkə parlamentinin qəbul etdiyi bir sıra qətnamələrlə əsaslandırıb. Qeyd edib ki, həmin qətnamələr bilərəkdən Ermənistanın nöqteyi-nəzərindən – beynəlxalq hüququn prinsiplərinin, BMT qətnamələrinin və ya Fransanın daimi xarici siyasətinin pozulmasına yol verilərək – qəbul edilib.

 

 

 

ADA prezidenti növbəti yanlışlığa nümunə kimi bu yaxınlarda Fransanın Respublikaçılar Partiyası rəhbərliyinin imzaladığı qətnamə layihəsinə diqqəti cəlb edib. Nəzərə çatdırıb ki, layihədə “öz müqəddəratını təyin edən Dağlıq Qarabağ Respublikası”na istinad kökündən yanlışdır, çünki bu termin beynəlxalq hüquqda yoxdur və heç kim, hətta Ermənistan özü belə bu “respublika”nı tanımayıb. Bu cür terminlərin istifadəsini yersiz və mənasız adlandıran J.Lamber vurğulayıb ki, Fransada çox fəal olan və fransız siyasi dairələrinə təsirini davam etdirən ultra-millətçi erməni diasporu istisna olmaqla, bu termindən heç kim istifadə etmir.

ADA prezidenti hesab edir ki, Ukrayna-Rusiya müharibəsi şəraitində erməni diasporunun ultra-millətçiləri tərəfindən hazırlanan bu mətn Ermənistanın Rusiyanın müttəfiqi olması imicinin “təmizlənməsinə” xidmət edir. Erməni diasporu məhz fransız siyasətçilərin vasitəsilə manipulyasiyaya ət ataraq bu “status”u Azərbaycana sırımağa cəhd göstərir. Halbuki son 30 illik tarix və indiki durum bunun əksini göstərir: “Bunu Ermənistan və Rusiya arasında Kollektiv Təhlükəsizlik Müqaviləsi Təşkilatı çərçivəsində mövcud olan hərbi saziş sübut edir. Bu müqavilə Rusiya ilə beş dövləti, o cümlədən Ermənistan və Belarusu birləşdirir”.

O xatırladıb ki, məhz Rusiya və Ermənistanın dövlət başçıları mayın 9-da Moskvada keçirilən hərbi paradda iştirak edən bir sıra rəhbərlər arasında olub. Bundan başqa, Ermənistan 2022-ci il 24 fevral tarixində Ukraynaya müdaxiləni BMT-də pisləməyən, bitərəf qalan çox az ölkələrdən biridir. Beləliklə, mətndə Ermənistan yanlış olaraq Qərb siyasətinin müttəfiqi kimi təqdim olunur, halbuki nə indi, nə də yaxın tarixdə belə müttəfiq olmayıb.

 

 

ADA prezidenti Azərbaycanın Qarabağ bölgəsindəki erməni əhalisinin “qeyri-insani blokadaya alınması” iddiasını da “faktların real manipulyasiyası” kimi qiymətləndirib. Bildirib ki, əgər 6 ay ərzində bu ərazinin blokadası olsaydı, bu, əhalinin yaşam tərzinə ciddi mənfi təsir edərdi: “Halbuki hamıda hər şey yaxşıdır və onlar orada normal yaşayırlar. Bu qondarma “blokada” əslində girişi qadağan olunmuş silah və Ermənistana faydalı qazıntıların daşınmasına qoyulan qadağaya əməl olunmasına nəzarətlə məhdudlaşır”.

Azərbaycanın beynəlxalq hüquq normalarına hörmət etdiyi, öz ərazisində yaşayan Qarabağ əhalisinin də bütün ölkə vətəndaşları kimi beynəlxalq səviyyədə tanınmış hüquqlardan istifadə edə biləcəyi bildirilib.

 

 

 

 

ADA prezidenti hesab edir ki, bu mətni imzalayanların müdafiə etdikləri “millətlərin öz müqəddəratını müəyyənləşdirməsi” prinsipi dəqiq beynəlxalq meyarlara uyğun olaraq tətbiq edilir, beynəlxalq qaydalarda isə ikili standart ola bilməz.

 

 

 

 

Azərbaycanın dünyəvi, multikultural və tolerant dövlət olduğu, Ermənistan Konstitusiyasının birmənalı olmadığı nəzərə çatdırılıb. Ermənistan Konstitusiyasının 18-ci maddəsində “Erməni Müqəddəs Apostol Kilsəsi”nin “Milli Kilsə” kimi tanındığı, mədəniyyətin inkişafında və milli özünüdərkin qorunub saxlanmasında bu kilsənin “müstəsna missiyasının” göstərildiyi yada salınıb. Bu məqamın respublika quruluşuna malik Fransanın dünyəvilik konsepsiyasına zidd olduğunu qeyd edən J.Lamber respublikanın seçilmiş nümayəndələrinin bu cür dünyəvilik konsepsiyasını tanımalarını şokedici fakt adlandırıb.

 

 

 

 

Ermənistanın və Qarabağda yaşayan erməni əsilli Azərbaycan əhalisinin yox olmaq və ya soyqırım təhlükəsi altında olmadığına diqqəti cəlb edən J.Lamber fransız siyasətçiləri ekstremist təsirlərə uymamağa və Azərbaycanla Ermənistan arasında sülhün bərqərar olması naminə çalışmağa çağırıb: “Bu gün xalqlar sülhə can atır və bizim millətin siyasətçiləri də bunun naminə çalışmalıdır. Ekstremist təbliğat aparmaqla bu nifrəti qızışdırmaq yolverilməzdir. Hər kəs onlara təzyiqlə təklif ediləni imzalamaqdan əvvəl yaxşı düşünməlidir. Ərazilərimizdəki bəzi seçkili vəzifəli şəxslərin elektoral maraqları, haradan gəlməsindən asılı olmayaraq, ekstremist tezislərin təsiri altında olmamalıdır”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/fransada-azerbaycanin-dostlari-assosiasiyasinin-prezidenti-fransiz-siyasetcileri-azerbaycanla-bagli-manipulyasiyalara-yol-vermemeye-cagirib-3116

]]> İllinoys ştatının qubernatoru amerikalıları Azərbaycanın Müstəqillik Gününü bayram etməyə çağırıb https://espiyegazetesi.com/illinoys-statinin-qubernatoru-amerikalilari-az%c9%99rbaycanin-must%c9%99qillik-gununu-bayram-etm%c9%99y%c9%99-cagirib-h45581.html Sun, 21 May 2023 21:10:55 +0000 https://1453kralmedya.com/illinoys-statinin-qubernatoru-amerikalilari-az%c9%99rbaycanin-must%c9%99qillik-gununu-bayram-etm%c9%99y%c9%99-cagirib-h45581.html

 

 

 

İllinoys ştatının qubernatoru amerikalıları Azərbaycanın Müstəqillik Gününü bayram etməyə çağırıb
, 2023

İllinoys ştatının qubernatoru amerikalıları Azərbaycanın Müstəqillik Gününü bayram etməyə çağırıb

ABŞ-ın İllinoys ştatının qubernatoru Cey Robert Pritsker Azərbaycanın Müstəqillik Günü münasibətilə bəyannamə imzalayıb.

Bəyannamədə nəzərə çatdırılıb ki, ABŞ-da yaşayan bütün Azərbaycan əsilli amerikalılar kimi, Çikaqodakı Azərbaycan icması da regional müxtəlifliyə, mədəniyyətlərarası inkişafa, sülhə və çiçəklənməyə öz töhfələrini verirlər.

 

 

 

Amerikanın Orta Qərb Ştatları üzrə Azərbaycan Mərkəzinin (ACMA) 2015-ci il 15 aprel tarixində fəaliyyətə başladığına və təşkilatın inkişafında uğurlara nail olduğuna diqqət cəlb edilib.

Nəzərə çatdırılıb ki, 28 May 1918-ci il tarixində müsəlman Şərqində ilk parlament respublikası olan Azərbaycan Xalq Cümhuriyyəti (AXC) elan edilib. Dünyada yaşayan azərbaycanlıların bu günü böyük qürur hissi ilə qeyd etdiklərini, AXC-nin varisi olan Azərbaycan Respublikasının ABŞ-ın strateji tərəfdaşı olduğunu xatırladan qubernator ştatın sakinlərini bu bayrama qoşulmağa çağırıb.

Qeyd edək ki, Amerika Azərbaycanlıları Koordinasiya Şurasının üzv-təşkilatı olan ACMA-nın təşəbbüsü əsasında bir neçə gün öncə 28 May – Müstəqillik Günü münasibətilə Çikaqonun mərkəzində Azərbaycan bayrağı qaldırılıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/illinoys-statinin-qubernatoru-amerikalilari-azerbaycanin-musteqillik-gununu-bayram-etmeye-cagirib-2974

 

 

]]> ABŞ-Azərbaycan Mədəniyyət Fondu Holokost Memorial Muzeyini təkzib verməyə çağırıb https://espiyegazetesi.com/abs-az%c9%99rbaycan-m%c9%99d%c9%99niyy%c9%99t-fondu-holokost-memorial-muzeyini-t%c9%99kzib-verm%c9%99y%c9%99-cagirib-h40595.html Tue, 07 Feb 2023 18:49:00 +0000 https://1453kralmedya.com/abs-az%c9%99rbaycan-m%c9%99d%c9%99niyy%c9%99t-fondu-holokost-memorial-muzeyini-t%c9%99kzib-verm%c9%99y%c9%99-cagirib-h40595.html

 

 

 

ABŞ-Azərbaycan Mədəniyyət Fondu Holokost Memorial Muzeyini təkzib verməyə çağırıb

, 2023
ABŞ-Azərbaycan Mədəniyyət Fondu Holokost Memorial Muzeyini təkzib verməyə çağırıb
ABŞ-nin Kaliforniya Ştatında fəaliyyət göstərən ABŞ-Azərbaycan Mədəniyyət Fondunu rəhbəri, yəhudi əsilli Nurit Qrinqer Holokost Memorial Muzeyinin rəhbərliyinə etiraz məktubu ünvanlayıb.

Buna səbəb muzeyin rəsmi saytında Bernard Çerkasovun muzeyə yeni icraçı direktor təyin edilməsi ilə bağlı yerləşdirilən xəbərdə Azərbaycana qarşı əsassız iddiaların yer alması olub.

Elanda göstərilib ki, 13 yaşında olarkən B.Çerkasov ailəsi ilə birlikdə antisemitizm və etnik zorakılığa görə vətəni Azərbaycandan qaçaraq ABŞ-da qaçqın kimi məskunlaşıb.

Nurit Qringer bu böhtana görə muzeyin rəhbərliyindən saytda təkzib verilməsini və rəsmi şəkildə üzr istənilməsini tələb edib.

O, bildirib ki, 8 ildir Azərbaycana səfərlər edir və ölkə daxilində sinəsinə parlaq yəhudi ulduzu (Magen David) taxaraq rahat gəzir. “ABŞ-da isə antisemitizm hücumundan əziyyət çəkə biləcəyim üçün onu gizlədirəm”, – deyə Qringer bildirib.

İsraildə doğulan və Holokostdan sağ çıxanların övladı kimi antisemitizmin nə olduğunu yaxşı bildiyini deyən fond rəhbəri əhalinin əksəriyyətinin İslam dininə sitayiş etdiyi Azərbaycanda antisemitizmin olmadığını qətiyyətlə vurğulayıb. “Bu açıqlama məni sarsıdıb. Bu, tamamilə yalandır. Azərbaycanda antisemitizm yoxdur, heç vaxt da olmayıb”.

“Məhz Azərbaycanda Holokost zamanı nasist antisemitizm cinayətkarlarından xilas olan yəhudilərə sığınacaq verilib. Nə azərbaycanlıların dilində, nə də kollektiv, milli şüurlarında “antisemitizm” termini yoxdur. Mən sizdən və cənab Çerkasovdan tələb edirəm ki, burada bu böhtan xarakterli məlumata görə rəsmi şəkildə üzr istəyəsiniz. Mən Muzeydən bu yalan xəbərə düzəliş etməyi tələb edirəm”, – deyə Nurit Qringer bildirib.

Qeyd edək ki, ABŞ-da fəaliyyət göstərən Azərbaycan diasporu da bu məsələ ilə bağlı muzeylə əlaqə yaratmağa və bu əsassız iddiaya aydınlıq gətirilməsinə çalışır.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/abs-azerbaycan-medeniyyet-fondu-holokost-memorial-muzeyini-tekzib-vermeye-cagirib-2324

 

 

 

]]> Tanınmış soydaşımız alman mediasını Qarabağla bağlı dezinformasiya yaymamağa çağırıb https://espiyegazetesi.com/taninmis-soydasimiz-alman-mediasini-qarabagla-bagli-dezinformasiya-yaymamaga-cagirib-h38773.html Thu, 22 Dec 2022 09:24:53 +0000 https://1453kralmedya.com/taninmis-soydasimiz-alman-mediasini-qarabagla-bagli-dezinformasiya-yaymamaga-cagirib-h38773.html

 

 

 

Tanınmış soydaşımız alman mediasını Qarabağla bağlı dezinformasiya yaymamağa çağırıb

2022
Tanınmış soydaşımız alman mediasını Qarabağla bağlı dezinformasiya yaymamağa çağırıb

Almaniya Azərbaycanlıları Alyansının rəhbəri, Almaniya-Azərbaycan Radioloji və Neyroradioloji Cəmiyyətinin sədri Nuran Abdullayev bu ölkənin tanınmış ARD telekanalının “Tagesschau” xəbərlər redaksiyasına açıq məktubla müraciət edib.

Redaktorlara ünvanlanan məktubda 16 dekabr tarixində yayımlanan “Laçın dəhlizində yeni gərginlik” sərlövhəli məqalədə buraxılmış ciddi siyasi və önəmli tarixi səhvlərə diqqət cəlb edilib.

Nəzərə çatdırılıb ki, Dağlıq Qarabağdan danışarkən və ya yazarkən “mübahisəli ərazi” terminindən istifadə etmək olmaz, çünki söhbət Azərbaycan dövlətinin əzəli torpağı və ayrılmaz hissəsi olan Dağlıq Qarabağdan gedir. Ermənistanın beynəlxalq hüquq normalarına zidd olaraq 1990-cı illərdə Dağlıq Qarabağı və ətrafındakı 7 rayonu zor gücünə işğal etdiyi, 1 milyona yaxın etnik azərbaycanlını öz doğma yurdlarından qovduğu, Birinci və İkinci Qarabağ müharibələrinin məhz Azərbaycan ərazilərində baş verdiyi, istər işğal, istərsə də müharibə illərində Ermənistanın təkcə xalqımızın yaşam hüququnu əlindən almadığı, həm də torpaqlarımıza, flora və faunamıza qarşı xüsusi amansızlıqla ekoloji terror siyasəti həyata keçirdiyi bir daha yada salınıb.

Bu yaxınlarda Azərbaycanın Ekologiya və Təbii Sərvətlər Nazirliyinin işçi qrupunun Rusiya sülhməramlılarının müvəqqəti nəzarət zonasındakı “Qızılbulaq” qızıl və “Dəmirli” mis-molibden yataqlarının qeyri-qanuni istismarını monitorinq etmək cəhdinin qarşısının zorla alındığı vurğulanıb.

Cəmiyyətin sədri alman jurnalistlərini peşə prinsiplərinə uyğun olaraq tərəfsiz və balanslı xəbərlər yaymağa dəvət edib. Ehtiyac duyulduğu halda, bu məsələ ilə bağlı redaksiyanın ciddi ekspertlərlə əlaqə yaratmasında köməklik göstərə biləcəyini vurğulayıb.

Məktuba rus bolşeviklərinin Qafqaz Bürosunun Dağlıq Qarabağ və ətrafında yerləşən rayonlarla bağlı 1921-ci il 5 iyul tarixli iclasının protokolunun surəti də əlavə olunub. Həmin protokolda Dağlıq Qarabağın Azərbaycana aid olduğu yazılıb.

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/taninmis-soydasimiz-alman-mediasini-qarabagla-bagli-dezinformasiya-yaymamaga-cagirib-2094

 

 

]]> Azərbaycanın Dostları Assosiasiyasının prezidenti Jerom Lamber Fransa Milli Assambleyasını bədnam qətnaməni qəbul etməməyə çağırıb https://espiyegazetesi.com/az%c9%99rbaycanin-dostlari-assosiasiyasinin-prezidenti-jerom-lamber-fransa-milli-assambleyasini-b%c9%99dnam-q%c9%99tnam%c9%99ni-q%c9%99bul-etm%c9%99m%c9%99y%c9%99-cagirib-h37738.html Fri, 25 Nov 2022 11:24:34 +0000 https://1453kralmedya.com/az%c9%99rbaycanin-dostlari-assosiasiyasinin-prezidenti-jerom-lamber-fransa-milli-assambleyasini-b%c9%99dnam-q%c9%99tnam%c9%99ni-q%c9%99bul-etm%c9%99m%c9%99y%c9%99-cagirib-h37738.html

 

 

Azərbaycanın Dostları Assosiasiyasının prezidenti Jerom Lamber Fransa Milli Assambleyasını bədnam qətnaməni qəbul etməməyə çağırıb
25 noyabr, 2022

Azərbaycanın Dostları Assosiasiyasının prezidenti Jerom Lamber Fransa Milli Assambleyasını bədnam qətnaməni qəbul etməməyə çağırıb
Fransada fəaliyyət göstərən Azərbaycanın Dostları Assambleyasının (ADA) prezidenti Jerom Lamber Fransa Milli Assambleyasının 577 üzvünə müraciət edib.

Müraciətdə 28 noyabr 2022-ci il tarixində Fransa Milli Assambleyasında Azərbaycana qarşı sanksiyaların tətbiqini nəzərdə tutan qətnamənin müzakirəyə çıxarılmasına etiraz edilib.

J.Lamber öz mövqeyini məlum qətnaməni hazırlayanların Ermənistanla Azərbaycan arasında mövcud vəziyyətdən tamamilə xəbərsiz olmaları və beynəlxalq hüquq normaları ilə əsaslandırıb.

Nəzərə çatdırıb ki, məhz Ermənistan 1990-cı illərin əvvəllərində Azərbaycanın böyük bir hissəsini (ərazisinin 20%-ə yaxını) zor gücü ilə işğal edib. Beynəlxalq hüquqa zidd olan bu qəsbkarlıq BMT-də dəfələrlə müzakirə edilib və pislənilib. BMT Təhlükəsizlik Şurasının üzvü olan Fransa da erməni işğalını pisləyən bütün qətnamələrə səs verib.

Azərbaycanın öz ərazi bütövlüyünü müdafiə etmək hüququndan istifadə etməklə iki il əvvəl Ermənistanın işğalına son qoyduğuna və bundan sonra bölgədə vəziyyətin əsasən sabitləşdiyinə diqqət cəlb edilib.

Beynəlxalq qurumların öz ərazilərini azad edən Azərbaycanın ünvanına heç bir qınaq səsləndirmədiyini vurğulayan J.Lamber xatırladıb ki, Prezident Emmanuel Makron özü son aylarda Fransanın Azərbaycanın 1991-ci ildəki dövlət sərhədlərini – Ermənistan silahlı qüvvələrinin işğalından əvvəlki beynəlxalq səviyyədə tanınan dövlət sərhədlərini qəbul etdiyini bir neçə dəfə etiraf edib. “Bundan daha aydın mövqe ola bilməz”, – deyə o əlavə edib.

J.Lamber qeyd edib ki, 2020-ci ilin noyabrında üçtərəfli sazişin imzalanmasından bəri Azərbaycan qonşusu ilə dayanıqlı sülhü bərqərar etmək istəyir, lakin məhz Ermənistan iki xalq arasında münasibətləri sabitləşdirməyə gətirib çıxaracaq dinc danışıqların qarşısını alır.

ADA prezidenti bildirib ki, mövcud vəziyyəti qiymətləndirə bilməyən Ermənistandakı qatı millətçi çevrələr vaxtaşırı təxribatlar törədir, Ermənistan, Azərbaycan və Rusiya arasında əldə olunmuş üçtərəfli razılaşmaları şübhə altına almağa çalışır. Halbuki üçtərəfli bəyannamələrə zidd olaraq Azərbaycan ərazilərində minaların yerləşdirilməsinə cəhdlərin davam etdirilməsi, Ermənistan silahlı qüvvələrinin Azərbaycan ərazisindən çıxarılmasından, regionda kommunikasiya və nəqliyyat yollarının açılması prosesindən imtina olunması qəbuledilməzdir.

Ermənistandakı ifrat millətçilərin bənzərlərinin erməni diasporunda mövcud olduğunu vurğulayan ADA prezidenti həmin qüvvələrin bir neçə senatoru beynəlxalq hüquq, dayanıqlı sülhün axtarışı, eləcə də Fransanın bütün xalqlarla yaxşı münasibətlər saxlaması baxımından tamamilə yersiz bu təşəbbüslə çıxış etməyə inandırmaq üçün yol tapdıqlarını məyusluqla diqqətə çatdırıb.

“Təəssüf ki, milli ərazimizdə mövcud olan erməni əsilli nüfuzlu fransız icmasının bəzi nümayəndələri arasında “qisas” arzusu həqiqətən də mövcuddur. Məhz erməni diasporundakı ekstremistlərin yaratdığı manevrlərə görə Ermənistan, Fransa və Avropa İttifaqı özlərini iştirakçı kimi qələmə vermək hüququnu itiriblər”, – deyə J.Lamber acı faktı konstatasiya edib.

Bütün əngəllərə baxmayaraq, Azərbaycanla Ermənistan arasında dinc danışıqların irəlilədiyinə diqqəti cəlb edən ADA prezidenti xatırladıb ki, bu yaxınlarda Praqa və Soçidə iki dövlətin liderləri bir-birinin ölkəsinin süverenliyini və ərazi bütövlüyünü tanıyan bəyannamələrlə çıxış ediblər.

“Bu o deməkdir ki, sizə təqdim olunan “qətnamə” mövcud vəziyyəti əks etdirməkdən uzaqdır. Qətnamənin qəbulu, hətta Fransanın diplomatik mövqeyini əks etdirməsə belə, ölkəmizi bu ərazilərin, onların tarixinin və ən yaxşı münasibətləri nizama salmağa çağırdığımız bu xalqların mürəkkəb reallıqlarından bir az da təcrid edə bilər. Halbuki biz Avropanın sərhədlərində və bir çox sivilizasiyaların kəsişməsində yerləşən bu regionda mövcud olmağa və müəyyən təsirə imkan verən ən yaxşı münasibətləri dəstəkləməliyik”, – deyə J.Lamber nəzərə çatdırıb.

Sonda J.Lamber parlament üzvlərini reallığı və mövcud vəziyyəti əks etdirməyən retrograd qətnamənin əleyhinə səs verməyə çağırıb. “Fransa sülh üçün çalışmalı, onun parlament nümayəndələri icmalar arasında problem yaratmamalıdır”.

Xatırladaq ki, noyabrın 15-də Fransa parlamentinin yuxarı palatası olan Senat Azərbaycana qarşı sanksiyaları nəzərdə tutan bədnam qətnamə qəbul edib. Noyabrın 28-də isə bu qətnamə Fransa parlamentinin aşağı palatası olan Milli Assambleyada müzakirəyə çıxarılacaq.

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/azerbaycanin-dostlari-assosiasiyasinin-prezidenti-jerom-lamber-fransa-milli-assambleyasini-bednam-qetnameni-qebul-etmemeye-cagirib-1996

 

 

 

]]>