Aktaudakı “Azərbaycan Mərkəzi”ndə startap layihələrinin pitçinqinə dair tədbir təşkil edilib
2023
Aktaudakı “Azərbaycan Mərkəzi”ndə startap layihələrinin pitçinqinə dair tədbir təşkil edilib
Qazaxıstanın Aktau şəhərində fəaliyyət göstərən “Azərbaycan Mərkəzi” İctimai Fondunda startap layihələrinin pitçinqi ilə bağlı tədbir keçirilib.
“Azərbaycan Mərkəzi” İctimai Fondunun, “Luara” İctimai Fondunun və Yessenov Universitetinin Kaspi Sahibkarlıq Mərkəzinin birgə təşkilatçılığı ilə baş tutan tədbir “Vətəndaş Təşəbbüslərinə Dəstək Mərkəzi” və Qazaxıstanın İnformasiya və Sosial İnkişaf Nazirliyinin dövlət qrantı çərçivəsində gerçəkləşdirilib.
Tədbir iştirakçılarını salamlayan “Azərbaycan Mərkəzi” İctimai Fondunun direktoru İlkin Orucov əlilliyi olan gənclərin işə düzəlməsinin və məşğulluğunun təşviqi məqsədilə gerçəkləşdirilən belə tədbirlərin önəmindən danışıb. Əlilliyi olan insanları özlərini heç nə ilə məhdudlaşdırmamağa çağırıb və iştirakçılara uğurlar arzulayıb.
Tədbirdə çıxış edən münsiflər heyətinin üzvləri – “Luara” İctimai Fondunun direktoru Laura Asırova, Yessenov Universitetinin “Biznes və hüquq” fakültəsinin “İqtisadiyyat” kafedrasının müdiri Ayqul Yesturliyeva, Mangistau vilayətinin Təhsil İdarəsi tədris-metodiki mərkəzinin texniki və peşə təhsili şöbəsinin metodisti Zinaida Yepenova iştirakçıların hazırlığını yüksək qiymətləndiriblər və onlara startap layihələrini həyata keçirmələrini diləyiblər.
Pitçinqin sonunda bütün iştirakçılara sertifikatlar və 200.000 təngə məbləğində hədiyyə sertifikatı, münsiflər heyətinin, mentorların və biznes-məşqçilərin təşəkkür məktubları təqdim olunub.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/aktaudaki-azerbaycan-merkezi-nde-startap-layihelerinin-pitcinqine-dair-tedbir-teskil-edilib-2867
News
