Daşkənddə Həmrəylik Gününə həsr olunmuş bayram şənliyi təşkil edilib
2022
Daşkənddə Həmrəylik Gününə həsr olunmuş bayram şənliyi təşkil edilib
Daşkənddə fəaliyyət göstərən Heydər Əliyev adına Azərbaycan Mədəniyyət Mərkəzində 31 dekabr – Dünya Azərbaycalılarının Həmrəylik Günü və Yeni il münasibətilə bayram şənliyi keçirilib.
Heydər Əliyev adına Azərbaycan Mədəniyyət Mərkəzinin və Respublika Azərbaycan Milli Mədəniyyət Mərkəzinin Qadınlar Şurasının birgə təşkilatçılığı ilə bayram tədbirinə 200-ə yaxın azərbaycanlı və özbək uşaq qatılıb.
Tədbiri giriş sözü ilə açan mərkəzin direktor müavini Nadir Əlimirzəyev uşaqları bayramlar münasibətilə təbrik edib, həyatda və təhsildə davamlı uğurlar qazanmağı, valideynlərinə sevinc bəxş etmələrini arzulayıb. Sonra Həmrəylik Gününün tarixindən və əhəmiyyətindən danışıb.
Tədbirin bədii hissəsində orta məktəb şagirdi Əli Abbaslı görkəmli Azərbaycan bəstəkarı Fikrət Əmirovun əsərlərindən parçaları, Heydər Əliyev adına Azərbaycan Mədəniyyət Mərkəzinin nəzdində fəaliyyət göstərən əməkdar artist Kaykep Aliyeva adına “Azərbaycan qızları” rəqs ansamblının üzvləri milli rəqslərimizi ifa ediblər. Səhnələşdirilmiş bayram tamaşası, Şaxta baba ilə Qar qızın, cizgi filmlərinin qəhrəmanlarının gəlişi, müxtəlif viktorinaların keçirilməsi uşaqlara xoş anlar yaşadıb. Azərbaycanlı və özbək uşaqları ölkələrinə həsr edilmiş şeirlər söyləyib, mahnı oxuyub, rəqs ediblər.
Tədbirin sonunda Heydər Əliyev adına Azərbaycan Mədəniyyət Mərkəzi və Respublika Azərbaycan Milli Mədəniyyət Mərkəzi adından uşaqlara Yeni il hədiyyələri təqdim olunub.
Qeyd edək ki, tədbir çərçivəsində uşaqlar mərkəzdəki Azərbaycan Dövlətçilik Tarixi Muzeyi və Azərbaycanın əldə etdiyi nailiyyətlərə həsr olunmuş sərgi ilə tanış olublar.
FOTO QALEREYA
dostların arasında bunu ilk tövsiyyə edən sən ol
kaynak:http://diaspor.gov.az/az/news-detail/daskendde-hemreylik-gunune-hesr-olunmus-bayram-senliyi-teskil-edilib-2139
News
